Xiringuelu Letras

Ser asturianu nun ye
dir con montera picona
ni saber char bien la sidra
ni subir a Covadonga.
Ni adornase con histories
que son verdaes a medies
que de tanto ser grandones
van crecenos les oreyes.

Yo nun maldigo les coses
que nos faen ser como somos
pero fai falta decilo
que arrimamos poco el hombro.
Siempre tamos dividíos,
cada un tira pal so sitiu.
Pa facer Asturies grande
vamos trabayar uníos.

Desde Oriente hasta Occidente,
desde el mar a la quintana,
todes les voces en una:
¡viva la tierra asturiana!